“Чингис Хаан: Монголчууд дэлхийг өөрчлөв” үзэсгэлэн 10-р сард Бүгд Найрамдах Франц Улсын Нант хотын Үндэсний түүхийн музейд зохион байгуулагдана. Энэхүү үзэсгэлэнг БНФУ-ын Ерөнхийлөгч Эммануэл Макрон өнгөрсөн тавдугаар сард Монгол Улсын Ерөнхийлөгч Ухнаагийн Хүрэлсүхийн урилгаар Төрийн айлчлал хийхдээ хоёр улсын төрийн тэргүүн ивээлдээ авч дэмжихээс гадна Монгол Улс болон бусад улсад дэлгэх чиглэлээр хамтран ажиллахаар тохиролцсон.
Талууд ирэх жилүүдэд соёл болон археологийн салбарт хамтын ажиллагааг эрчимжүүлэн хөгжүүлж, түүний дотор кино урлагийн салбарт хамтарсан уран бүтээл туурвих, энэ хүрээнд шаардлагатай эрх зүйн баримт бичгүүдийг байгуулахаар болсон бөгөөд “Чингис Хаан: Монголчууд дэлхийг өөрчлөв” үзэсгэлэн нь хоёр улсын хамтын ажиллагааны хүрээнд зохион байгуулагдана. Үзэсгэлэн 2023 оны 10 сараас 2024 оны 5 сар хүртэл 7 сарын хугацаанд үргэлжлэх бөгөөд энэ хүрээнд Франц Улсын томоохон хотууд болох Парис, Лионд үзэсгэлэн зохион байгуулна.
Эх сурвалж: https://www.chateaunantes.fr/expositions/gengis-khan/?fbclid=IwAR3hv0SZXasJehxaXEGIck5-aiYj4MUxtv0L3FYCsKPaqhIsmyCFNtOFYsM
