Буйр нуурын мөнгөлөг хэлтэг загас бөөнөөрөө өвчилж, үхсэн тул холбогдох байгууллагууд ийм арга хэмжээ авчээ. Өвчилсөн загасны амны орчимд идээт цэврүү гарсан, заламгайн ар талд улайлт цэврүү үүссэн, хайрс хооронд улаан толбо үүссэн байна.
Загас их үхсэн хэсгээс буюу Долоон-Од амралт болон Онцгой байдлын амралт орчмын ус, хөрснөөс дээж авч, микробиологийн шинжилгээ хийхэд 1 гр хөрсөнд бичил биетний ерөнхий тоо зөвшөөрч болох хязгаараас хэтэрсэн, гэдэсний бүлгийн савханцар (Salmonella Shigella, Staphylococcus aereus) илэрсэн байна.
Цаашид шинжилгээний эцсийн хариу гартал Буйр нуурын усанд сэлэх, тэжээвэр амьтан, нохойг сул тавих, үхсэн өвчилсөн загас идэх, зөөхийг хориглосон байна.
