УИХ-ын дарга Г.Занданшатар захирамж гаргаж, нүүрсний хулгайн асуудлаар нээлттэй сонсгол хийх Ажлын хэсгийн бүрэлдэхүүнийг шинэчилжээ. Өмнө нь энэ ажлын хэсгийг УИХ-ын гишүүн Г.Ганболдоор ахлуулан байгуулсан ч сонсгол хийх ажлыг олон хоногоор гацаасан байдаг. Чухам яагаад гацаасан гэдэг нь тодорхойгүй ч нүүрсний хулгайн хэрэгт холбоотой хүмүүс нөлөөлсөн байх гэсэн таамаг хүчтэй явж буй. Юутай ч шинэчилсэн бүрэлдэхүүнийг УИХ-ын гишүүн, Хууль зүй, дотоод хэргийн сайд Х.Нямбаатар ахлахаар болсон байна. Сонсгол хийх бэлтгэл ажлыг 7-р сарын 1 гэхэд хангаж дуусахыг үүрэг болгожээ. 
Нүүрсний хулгайн асуудлаарх сонсголд бэлдэх Ажлын хэсгийг сайд Х.Нямбаатар ахална
