Эмэгтэйчүүдийн 40 хувийн квот МАН-ын бүлэг дээр бүдрэв

УИХ дахь МАН-ын бүлгийн өнөөдрийн хуралдаанаар хэд хэдэн хуулийн төслийн талаар хэлэлцжээ. Сонгуулийн тухай хуулийн төслийн эхний хэлэлцүүлгээр дэмжигдээд байсан эмэгтэйчүүдийн 40 хувийн квотыг МАН-ын бүлэг унагажээ. Сонгуульд нэр дэвших хүмүүсийн 40 хувь нь эмэгтэй нэр дэвшигч байна гэсэн заалтыг Ж.Сүхбаатар, Г.Занданшатар, Т.Доржханд нарын гишүүд санаачилж, санал хураалтаар дэмжүүлсэн ч олонхын бүлэг ийнхүү буцжээ. Бүлгийн дарга Б.Тогтохсүрэнгийн тайлбарласнаар нэр дэвшигчдийн 30 хүртэл хувь нь эмэгтэйчүүд байна гэсэн төслийн анхны заалтаар явахаар болсон байна.