Колумбын Cessna 206 онгоц долоон хүн тээвэрлэж яваад осолдсон хэрэг энэ сарын эхээр гарсан. Зорчигчдын дөрөв нь хүүхэд байсан бөгөөд ослоос хойш хойш хоёр долоо хоногийн дараа хүүхдүүдийг тус улсын өмнөд нутгийн ширэнгэн ойгоос эсэн мэнд олджээ. Ослын улмаас гурван насанд хүрсэн хүн нисгэгчийн хамт газар дээрээ нас барсан бол 13, 9, 4 настай дөрвөн хүүхэд, мөн 11 сартай хүүхэд ослын улмаас эсэн мэнд үлдэж, мөн ослоос хойш 17 хоног ширэнгэн ойд амьдарч амьд олдсон нь гайхалтай хэрэг болсон юм. Энэ талаар тус улсын Ерөнхийлөгч Густаво Петр лхагва гарагт мэдээлээд аврах албаныхан шаргуу хайсны эцэст хүүхдүүдийг эсэн мэнд олсонд баяртай байгаагаа илэрхийлэв. Аврах ажиллагааг зохицуулсан иргэний агаарын тээврийн газраас авсан урьдчилсан мэдээллээр хүүхдүүд онгоцны осол болсон газраас ширэнгэн ой руу тусламж хайхаар явсан учир ийнхүү 17 хоног ширэнгэн ойд хүүхдүүдийг хайхаас аргагүй нөхцөл байдал үүссэн байна.
Хүүхдүүд өнгөрсөн хугацаанд жимсээр хооллож, мөн ширэнгэн ойн гүнд ургамлаар бүтээгдсэн хоргодох байр хийж амиа аргацааж байжээ.
