Иргэдийн эрүүл, аюулгүй орчинд амьдрах эрхийг хангах зорилтын хүрээнд хууль, норм, дүрэм, стандартын хэрэгжилтийг хангуулах, төлөвлөгөөг хэрэгжүүлэх, хяналт тавих үүрэг бүхий таван дэд ажлын хэсгийг ХУД-ийн Засаг даргын захирамжаар байгуулан ажиллаж байна.
Энэ дагуу барилга, дэд бүтэц, барилгын түр хашааны стандарт хангуулах, хүнс, худалдаа, үйлчилгээ, аялал жуулчлал, байгаль орчин, хог хаягдал, гадна тохижилт, орчны аюулгүй байдал, нийтийн эзэмшлийн зам, талбай чөлөөлөх үндсэн таван чиглэлээр ажлын хэсэг хяналт, шалгалтын ажлыг үе шаттай хэрэгжүүлж байна.
Тодруулбал дүүргээс барилга угсралтын үйл ажиллагаа явуулж буй 20 аж ахуй нэгжид зөрчил дутагдлыг арилгуулах тухай Улсын байцаагчийн хугацаатай үүрэг даалгавар өгч, Наадамчдын зам, Нисэхийн зам дагуу автобусны буудалд явган хүний зам дээр байршуулсан өнгө үзэмжгүй, хог хаягдал ихээр үүсгэж буй гарал үүсэл хадгалах нөхцөл тодорхойгүй бэлэн бүтээгдэхүүн худалдаалж буй 71 түргэн үйлчилгээний цэгийг буулгажээ. Мөн 10 дугаар хорооны нутаг дэвсгэрт 22 гараашийг чөлөөлсөн байна. 
