Сүүлийн жилүүдэд 3D-хэвлэгчийг бизнесийн үйл ажиллагаа, байшин, гүүр хүртэл барихад ашиглаж байна. Дубайд дэлхийн анхны 3D хэвлэмэл аргаар сүмийг барих гэж буй бөгөөд Дубайн засгийн газрын Исламын хэрэг, буяны үйл ажиллагааны газрын (IACAD) инженерийн албаны дарга Али Мохаммад Алхалян Алсувайдигийн хэлснээр уг барилга нь 600 мөргөлчийг багтаах бөгөөд хоёр давхарт 2000 хавтгай дөрвөлжин метр талбайг хамрах юм байна.
Сүмийн барилгын ажлыг энэ оны эцсээр эхлүүлж, 2025 оны эхний улиралд дуусгахаар төлөвлөжээ. Алхалян Алсувайди хэлэхдээ “Бид сүмийг барихдаа 3D хэвлэлийг сонгосон. Учир нь энэ нь уламжлалт барилгын аргуудтай харьцуулахад цаг хугацаа, нөөцийг хэмнэх боломжтой шинэ, шинэлэг технологи юм гэв. 3D хэвлэх аргыг ашиглан барилга барихад дизайны мэдээллээр програмчлагдсан том хэвлэх машин шаардлагатай болдог байна.
Барилгын материалыг цоргоноос шахаж, бүтцийг давхарга, давхаргаар нь хэвлэн барьдаг ба 3D хэвлэмэл хийцүүдийн дийлэнх нь бетоноор хийсэн байдаг ч шавар зэрэг бусад материалыг ашиглан хэвлэх боломжтой аж.
” IACAD барилгын ажлыг хариуцах компанийг нэрлэхээс татгалжээ.
