Дэлхийн хамтлаг гэсэн тодотголтой болсон “The HU” хамтлагийнхан анх удаа эх орондоо тоглолтоо хийх нь ээ. Экстрим, энтертайнмент, экспо гурвыг хослуулах “POWER EXPO & FEST” наадмын тайзнаа тус хамтлагийнхан дуу хуураа монголчууддаа хүргэхээр болсон байна. “POWER EXPO & FEST” фестиваль ирэх зургаадугаар сарын 1-4-ний хооронд буюу дөрвөн өдрийн турш үргэлжлэх бөгөөд энэ үеэр “The HU” хамтлаг эх орондоо анх удаа бүрэн хэмжээний задгай талбайн тоглолтоо хийх ажээ.
Тус хамтлаг ирэх зургаадугаар сард Европын орнуудаар урт хугацааны аялан тоглолтоо хийхээр төлөвлөөд байгаа юм.
