Саудын Арабын халуун цөлд цагт 300 км / цаг хүртэл хурдалдаг хурдны галт тэрэг явж эхэлжээ. Дэлхийн хамгийн хурдан хөлгийн 10-т багтдаг хурдны галт тэргүүд Ойрхи Дорнодын энэ улсад аялал жуулчлалыг хөгжүүлж, газрын тосноос илүү аялал жуулчлалын салбараас мөнгө татна гэж тэд үзжээ. Ийм зорилгоор Саудын Араб улс дэд бүтэцдээ тэрбум тэрбум долларын хөрөнгө оруулалт хийж буйн эхлэл нь энэхүү төмөр замын сүлжээ аж.
Тав тух, дизайн шийдлийн хувьд дээд зэргийн гэж хэлж болох уг галт тэргээр Саудын Арабын Улаан тэнгисийн эргийн дагуу 450 км замаар хурдлах боломжтой бөгөөд өдөрт 50 орчим удаагийн рейс хийх юм байна.
Саудын Арабын Хөрөнгө оруулалтын сайд Халид аль-Фалихын хэлснээр тус улс нийт 8,000 километр төмөр зам барихаар төлөвлөжээ.
