БНСУ-аас Монгол Улсад суугаа Элчин сайдын яамнаас хэрэгжүүлж буй Солонгосын соёлыг түгээгч залуусын дундах “Мүжигэ” (Солонго) хөтөлбөрийн нэгдүгээр ээлжийн нээлтийн арга хэмжээ 2023 оны 3 сарын 17-нд зохион байгуулагдлаа. “Мүжигэ” хөтөлбөр нь Солонгос соёлд хайртай хүмүүсээс бүрдсэн Солонгосын соёлыг сурталчлах арга хэмжээ юм.
БНСУ-аас Монгол Улсад суугаа Элчин Сайд Ким Жун Гү мэндчилгээндээ “Монгол улсад анх удаа зохиогдож буй “Мүжигэ” хөтөлбөр нь цаашид Солонгосыг Монголд сурталчилан таниулахад чухал үүрэг гүйцэтгэнэ гэдэгт итгэлтэй байна. Түүнчлэн соёлыг түгээх залуусын идэвхи чармайлт нь үнэ цэнэтэй туршлага хуримтлуулах боломжийг олгоно гэж найдаж байна” гэв.
Элчин Сайдын мэндчилгээний дараа “Мүжигэ” хөтөлбөрт оролцож буй залууст батламж гардуулав. Энэ өдөр батламж гардан авсан залуус 2023 оны 12-р сар хүртэл Солонгосын соёлтой холбоотой контент хийх, Элчин сайдын яамны үйл ажиллагаанд идэвхтэй оролцож, Солонгос орныг сурталчлахад үүрэг гүйцэтгэнэ.
