Токиогийн Шибуяа дүүрэгт энэ сард Ракутен загварын долоо хоног боллоо. Уг загварын долоо хоногт сонирхолтой хуваслалт бүхий загвар сонирхогчид болон 58 брэнд 2023 оны намар-өвлийн коллекцоо сонирхуулж оролцов. Зоримог шийдэл бүхий хувцаслалт, соёлоороо алдартай Токио хотынхон трэнд дагахаас илүү өөр өөрсдийн өвөрмөц хэв маягаар хувцасладаг. Гайхалтай үсний засалт, монохроматик загварууд, том размертай тренч цув, маш хэлхгэр сул өмд гээд л ямар ч дүр төрхийг эндээс харж болно…
22 настай Хирото Муротани гэхэд улаан даашинз, хар платформ дээр хэлхгэр ягаан өнгийн цамц өмссөн байв. Тэрээр “Загвар бол миний өөрийгөө илэрхийлэх хэрэгсэл. “Япончууд трэнд болж байгаа хувцас гэхээсээ илүү өөрсдийн хувийн хэв маягийг дагадаг гэж СNN-д ярьжээ. Мөн Эна гэх бүсгүй “Би өөрийгөө японы загварыг өөртөө шингээсэн гэж боддог. Би хүссэн бүхнээ өмсөж чадна. Японд хувцас загвар бол маш чөлөөтэй урлаг гэж онцолсон байна. Тэдний эрх чөлөө ханхлуулсан дүр төрхийг эндээс үзээрэй.
