Монгол Улсын Хөгжлийн банкны зээлдэгч “Хөтөл” ХХК-д холбогдох иргэний хэргийн анхан шатны шүүх хурал өнөөдөр /2023.02.28/ Баянгол дүүргийн Иргэний хэргийн анхан шатны шүүхэд товлогдоод байсан.
Тэгвэл шүүх хурал ирэх гуравдугаар сарын 28-ны өдөр хүртэл хойшилсон байна. Эх сурвалжийн мэдээлж буйгаар “Хөтөл” ХХК нь шинэ өмгөөлөгч авч, улмаар өмгөөлөгч нь хэргийн материалтай танилцах хүсэлт гаргасан зэрэг шалтгаанаар шүүх хурлыг ийнхүү хойшлуулжээ.
Хэргийн талаар эргэн сануулахад, Монгол Улсын Хөгжлийн банк нь “Хөтөл” ХХК-д 2012 онд нийт 61.3 сая ам долларын санхүүжилт олгосон байдаг. Гэвч тус компани зээлээ авсан цагаас хойш эргэн төлөлтөө хийгээгүй тул зээл нь хүүтэйгээ нийлээд 108.7 сая ам доллар буюу 372.0 тэрбум төгрөг болсон байдаг. Шүүх хурал өмнө нь нийт 15 удаа хойшилсон бөгөөд нэхэмжлэгч Монгол Улсын Хөгжлийн банк, хариуцагчаар “Хөтөл” ХХК, хамтран хариуцагчаар “Цемент шохой” ТӨХК, гуравдагч этгээдээр прокурор оролцсон юм. Тэд Худалдаа Хөгжлийн банкнаас барьцаа хөрөнгөд нөлөөлөхүйц шийдвэр гаргаж байна гэсэн үндэслэлээр шүүхэд гуравдагч этгээдээр оролцох хүсэлт гаргасан байна.
