Өмнөд Солонгосын жүжигчин Сон Жун Ки даваа гарагт Британийн жүжигчин Кэти Луиза Сондерстэй гэрлэж буйгаа зарласан. Тэд хүүхэдтэй болох гэж байгаайг, Кэти бие давхар гэдгийг
Сон Жу Кигийн агентлаг мэдээлсэн. Сонг шүтэн бишрэгчиддээ зориулсан цахим хуудастаа “Өнөөдөр бид гэрлэлтээ бүртгүүлж гүн итгэл, хайранд суурилсан амьдрал маань эхэллээ. Намайг үргэлж дэмжиж, халамжилдаг түүнтэйгээ үлдсэн амьдралаа бүтээнэ гэж өөртөө би тангарагласан. Тэр маш сайхан сэтгэлтэй, гайхмаар ухаалаг, гайхалтай хүн. Түүний ачаар би илүү сайн хүн болж байгаа” хэмээн бичсэн. Жүжигчин залуу эхнэрээ бие давхар болсныг мэдээд ээж, аав гэр бүлийнхнийг нь Солонгост авчирсан бөгөөд Итэвонд тансаг хауст амьдруулж байгаа ажээ.
Жүжигчин Кэти Солонгост ээжийн хамт хүүхдийн хувцасны дэлгүүрээс худалдан авалт хийж байгааг Солонгосын хэвлэл мэдээллийнхэн дурандаа буулгажээ. 
Кэти 1984 онд төрсөн бөгөөд аав нь англи, ээж нь Колумби гаралтай, өөрөө Италид нэлээд танигдсан жүжигчин юм. Түүнийг нэг охинтой гэх мэдээлэл, зураг хэвлэлээр гарсан ч энэ нь нотлогдоогүй. Бяцхан охинтой хамт авахуулсан зураг бол найзынх нь хүүхэд гэх мэдээлэл байгаа.
