Сүхбаатар дүүргийн Засаг даргын тамгын газраас ахмад настнуудад хүнсний дэмжлэг үзүүлэх болон олон хүүхэд төрүүлж өсгөсөн алдарт эхийн нэг, хоёрдугаар одонтой ээжүүдэд хүндэтгэл үзүүлэх тендерүүдээ тус, тус цуцалж буйгаа мэдэгдлээ.
Хэвлэл мэдээллийн орчин болон сошлд эдгээр тендерүүдтэй холбоотой хандалт авах гэсэн хүмүүсийн ташаа ойлголт тарж нийгэмд талцал үүсээд буй учир тендерээ цуцалж мөнгийг нь дүүргийн ахмадууд болон олон хүүхэдтэй эхчүүдийн нийгэм соёл, эрүүл мэндэд чиглэсэн арга хэмжээнд зарцуулна гэж тус дүүргээс гаргасан мэдэгдэлд дурджээ.
