Улаанбаатар-Дархан чиглэлийн автозамын ажил сунжирч хэд хэдэн сайдын нүүрийг үзсэн. Сүүлд томилогдсон Зам тээврийн хөгжлийн сайд Л.Халтар уг замыг 2022 оны аравдугаар сард багтаан ашиглалтад оруулахаар амлалт өгч байлаа. Тэгвэл уг замын зорчих урсгалыг өнөөдөр /2022.10.30/ нээснийг Л.Халтар дэд сайд өөрийн цахим хуудсаараа дамжуулан мэдэгдэж, амлалтандаа хүрснээ хэллээ. Бичлэгийг энд дарж үзнэ үү. “Бухимдал байгааг ойлгож байгаа ч энэ замаар инээгээд алхах өдөр ирнэ” гэж Л.Халтар хэлж байв. Зорчих хөдөлгөөнийг нээсэн гэдэг нь энэ зам бүрэн ашиглалтад орсон гэсэн үг биш. Жолооч нар шороон замаар явахгүй, замын хучилтыг нэг талынх нь эгнээг дуусгасан гэсэн үг юм.
