Ус сувгийн удирдах газар /УСУГ/ нь нийслэлийн хүн амыг унд ахуйн усаар хангаж, гарсан бохир усыг татан зайлуулах зорилготойгоор 63 дахь жилдээ үйл ажиллагаа явуулж байна. Манай байгууллага 2020 онд Хөдөлмөрийн аюулгүй байдал, эрүүл ахуй /ХАБЭА/-н менежментийн тогтолцооны МNS ISO 45001:2018 стандартын зөвлөх үйлчилгээ авч, үйл ажиллагаандаа нэвтрүүлэх ажил эхэлсэн. Тухайн үед цар тахлын улмаас хөл хорио тогтоож, ажил удаашралтай байсан хэдий ч хамт олон маань 24 цагаар тасралтгүй ажиллаж, хүн амыг унд ахуйн усаар хангаж, бохир усыг татан зайлуулах үүрэгт ажлаа тасралтгүй явуулсан. Мөн ХАБЭА-н чиглэлээр бодлогын 14 баримт бичгийг шинээр боловсруулах ажлыг удирдлага болон инженер техникийн ажилтнууд хариуцан хийж гүйцэтгэлээ.
УСУГ нь нийтийн аж ахуйн салбартаа ХАБЭА-н MNS ISO 45001:2018 стандартыг анхлан нэвтрүүлсэн байгууллага боллоо. Ажилтан бүрийн оролцоотойгоор ХАБЭА-н стандарт тухайн байгууллагад нутагшихаас гадна стандартыг хэрэгжүүлж хэвшүүлэн ажиллахыг нийт ажилтнууддаа уриалж байна. Хайртай бүхнийхээ төлөө ХАБЭА-г нэн тэргүүнд тавьж ажиллах нь хамгаас чухал юм.
