ОХУ-ын тал сүүлийн долоо хоногуудад Украйны эсрэг “Камиказе дрон” буюу нисгэгчгүй, байлдааны дроныг ашиглан довтолгоо хийж байгаа. Украйны Дотоод хэргийн сайдын мэдээлснээр өчигдөр гэхэд Киевт орон сууцны барилгыг ийм дрон мөргөснөөс 4 хүн нас барж, 4хүн гэмтэж, 19 хүн нурангид гацжээ. Даваа гарагт нийт 42 ийм байлдааны дрон нисгэснээс 36 дроныг Украйны тал илрүүлж унагаасан байна. Байлдааны энэ дрон нь хэдий жижигхэн ч 50 орчим кг зэр зэвсэг өөр дээрээ тээвэрлэх чадвартай гэхээр учруулах хор хөнөөл нь их. Байгаа оноод дэлбэрэх зориулалттай бүтээгдсэн, зөөврийн, агаарын байлдааны зэвсэг гэж энэ дроныг нэрлэж байгаа юм. Мэдээж хөөргөж нисгэхэд, хянаж удирдахад хялбар бөгөөд эсрэг тал олж илрүүлж устгахад тийм ч хялбар бус зэрэг онцлогтой аж.
Украйны Ерөнхийлөгч Украйн бүхэлдээ камиказе дроны довтолгоонд байна, энэ дроноор жирийн иргэд рүү дайрч байна гэж өчигдөр хэлжээ.
Украйны тал Иран байлдааны дроноор ОХУ-ыг хангасан гэж үзэж, үүнийг ч олон нийтэд мэдэгдсэн. Харин Иран үүнийг эсэргүүцэж манайх аль ч талыг зэр зэвсгээр хангаагүй гэж няцаагаад байгаа юм.
