Э.Батшугар, Ц.Идэрбат нарыг сонгогдсонд тооцно гэж СЕХ мэдэгдлээ

СЕХ-ноос өнөөдөр УИХ-ын хоёр тойрогт болсон нөхөн сонгуулийн талаар мэдээлэл хийлээ. СЕХ-ны дарга П.Дэлгэрнаран “Нөхөн сонгуулиар хамгийн их санал авсан нэр дэвшигчдийг сонгуульд ялсанд тооцлоо. Ирц өндөр биш ч УИХ-ын тухай хуульд заасан заалтын дагуу нэмэлт санал хураалтаар хамгийн их санал авсан нэр дэвшигчдийг ялсанд тооцно. Тиймээс өнөөдөр СЕХ хуралдаж,  нөхөн сонгуульд хамгийн олон санал авсан Э.Батшугар, Ц.Идэрбат нарын нэрийг Ерөнхийлөгчид өргөн барина” хэмээлээ.