Улсын өсөх идэр начин Э.Энхбатад хүнд гэмтэл учруулсан Н.Түвшинбаярыг цагдаагийн байгууллагаас хойшлуулшгүй ажиллагаа явуулж цагдан хорьжээ. Тэрбээр өмнө нь цагдаад нэг удаа мэдүүлэг өгсөн бөгөөд “Би болсон явдлыг санахгүй байна” хэмээн мэдүүлсэн байдаг. Ням гарагийн орой хойшлуулшгүй ажиллагаа явуулж Н.Түвшинбаярыг цагдан хорих 461-р анги руу ачжээ.
Хууль хяналтын байгууллагаас түүнд бусдын биед хүнд гэмтэл учруулсан гэх үндэслэлээр Эрүүгийн хэрэг нээн шалгаж эхэлжээ. Улсын өсөх идэр начин Э.Энхбат Гэмтэл согог судлалын үндэсний төвд эмчлүүлж байгаа бөгөөд биеийн байдал дээрдээгүй, хэвийн байгааг эх сурвалжууд мэдээлсэн.
Olnii buying daadaggui bolobcrolgui tenegiig shorond hataa