Монгол Улсын аялал жуулчлалын салбарыг гадаад, дотоодод сурталчлан таниулах, олон улсын жишигт нийцүүлэн хөгжүүлж үнэ цэнийг өсгөх, аялал жуулчлалын салбарын тухай иргэд, олон нийтэд үнэн бодит мэдээллийг хүргэх үйлсэд Монголын сэтгүүлчид нэгдлээ. Сэтгүүлчдийн клуб Ачялал жуулчлалын хөгжлийн төвтэй нягт хамтран ажиллахаар ойлголцжээ.
Сэтгүүлчдийн үүсгэл, санаачилгаар Аялал жуулчлалын сэтгүүлчдийн клуб өнгөрсөн долоо хоногт үүдээ нээлээ. Тус клубийн гишүүд авьяас чадвар, ур ухаанаа дайчлан ажиллаж, иргэд, олон нийтийн ойлголт, мэдлэгийг дээшлүүлж, салбарын үнэ цэнийг бүтээлцэхээр санаа, зорилго нэгджээ. Аялал жуулчлалын салбарын чиглэлээр бичих, бүтээх, туурвих хүсэлтэй хэний ч өмнө клубийн үүд хаалга нээлттэй байх юм.
