МҮОНРТ-ийн Ерөнхий захирал Л.Нинжжамц МҮОНРТ-ийн Ерөнхий захирлын албаа өөрийн хүсэлтээр өгөөд байгаа. Үүний дараа тус ажлын байранд нээлттэй сонгон шалгаруулалт зарласан, энэ албан тушаалд очиж магадгүй гэсэн горилогчдын нэрс хэвлэлээр тасралтгүй хөврөх болсон.
Олон таамаг, олон горилогч байгаа нь тодорхой. Ямартай ч Н.Дэмбэрэл МҮОНРТ-ийн Ерөнхий захирлын сонгон шалгаруулалт нэр дэвшихээ илэрхийлжээ. Тэрбээр МҮОНРТ-ийн хамт олонд хандан санал хүсэлтийг нь сонсох, мөрийн хөтөлбөртөө тусгах хүсэлтэй байгаагаа дурдсан байв.
Н.Дэмбэрэл өмнө нь Засгийн газрын хэвлэл мэдээллийн албаны дарга, нийслэлийн ЗДТГ-ын Хэвлэл мэдээллийн хэлтсийн даргаар ажиллаж байсан нэгэн. Эрх баригч МАН-ын хэд хэдэн сонгуулийн PR хариуцан ажиллаж байсан юм.
