БНХАУ-ын Ухань хотод коронавирусний халдвар гарснаас хойш тус хотын 11 сая иргэн хатуу хорио цээрийн дэглэмд тусгаарлагдсан. Тодруулбал, нэгдүгээр сарын 23-наас эхэлж 76 хоногийн хорио цээрийн дэглэмд хотоос орох, гарах гэх мэт бүх хөдөлгөөнийг хаасан байсан юм. Уг хорио цээрийн дэглэм өнөөдөр дуусгавар болж нисэх онгоц, галт тэрэг гэх мэт зорчих хөдөлгөөнөө нээжээ.
Сургууль, цэцэрлэгийн үйл ажиллагааг одоогоор нээгээгүй байгаа бөгөөд Ухань хотын иргэд гар утсан дээрх аппликэйшний тусламжтайгаар эрүүл мэндийн байдлаа байнга мэдээлж хянуулах юм байна.
