БНХАУ-д коронавирусний халдвараар 3300 орчим хүн нас барж, 82 мянга орчим хүн халдвар авсан гэсэн тооцоо байгаа. Тэгвэл Хятад улсыг коронавирусээр халдварласан хүмүүсийн тоо болон халдварын улмаас нас барсан тоо баримтаа нуун дарагдуулсан, зориуд дарж мэдээлсэн гэж АНУ-ын Тагнуулын алба үзэж байгаа юм байна.
АНУ-ын тагнуулын газрын хэд хэдэн албан тушаалтан өнгөрсөн долоо хоногт Цагаан ордны төлөөлөгчдөд энэ талаарх нууц илтгэлийг танилцуулсан ба вирусний талаар Хятад бүрэн мэдээлэл өгөөгүй гэж АНУ буруутгаж байгаа ажээ. Энэ талаарх мэдээллийг өмнө нь АНУ-ын Төрийн нарийн бичгийн дарга Майк Помпео ч мэдэгдэж, БНХАУ-ын хариуцлагагүй үйлдлийг буруутгаж байсан юм.
