“Covid 19” вирүсийн халдварын тархалт буурсан тул халдварын ид дэгдэлтийн үед ашиглаж байсан Хубэй муж дахь 14 эмнэлгийг хааж байгаа талаар Хятадын Синьхуа агентлаг мэдээллээ. Тэдгээр 14 эмнэлэгт хүнд бус харьцангуй хөнгөн өвдсөн өвчтөнүүдийг эмчилж байсан аж. БНХАУ-д 1-2 дугаар сарын хооронд спорт заал, үзэсгэлэнгийн танхим гэх мэт томоохон олон нийтийн танхимуудыг эмнэлэг болгон ашиглаж байсан юм.
Хятадад халдварын тоо эрчимтэй буурсаар байгаа бөгөөд өнөөдөр гэхэд 19 шинэ тохиолдол бүртгэгджээ. Тус улсын Үндэсний эрүүл мэндийн комиссоос мэдээлснээр халдвар авсан 59897 хүн бүрэн эдгэж эмнэлгээс гарчээ.
