Коронавирусийн халдвараас урьдчилан сэргийлэх зорилгоор Ерөнхий боловсролын сургуулийн сурагчдаас анги дэвших болон улсын шалгалт авахгүй байхаар БСШУСЯ шийдвэрлэжээ. Шалгалтын долоо хоногийг хичээлийн долоо хоногт шилжүүлж, сурагчийн жилийн эцсийн үнэлгээг явцын дүн болон дөрөвдүгээр улирлын хичээлийн үнэлгээгээр тооцох юм байна. Харин Ерөнхий боловсролын сургуулийн төгсөх ангийн сурагчид Элсэлтийн ерөнхий шалгалт болон монгол хэлний шалгалтаа заавал өгнө. Их, дээд сургуульд элсэгчдийн монгол хэлбичгийн шалгалтыг энэ сарын 28-нд зохион байгуулахаар төлөвлөөд байсан ч хойшлуулж монгол хэлбичгийн шалгалтыг дөрөвдүгээр сарын эхээр зохион байгуулахаар төлөвлөж байгаа аж. Элсэлтийн ерөнхий шалгалтыг “Зургаадугаар сарын 8-11-ний өдрүүдэд зохион байгуулахаар товложээ.
Мөн ирэх долоо хоногоос XII ангиа төгсөж, Элсэлтийг ерөнхий шалгалт өгөх сурагчдад зориулсан теле хичээлийг телевизээр тусгайлан заах юм байна.
