Францын “Citroën” компани Эми нэртэй авсаархан автомашин бүтээжээ. Сонирхолтой нь хоёр хүний суудалтай, цахилгаан энэ тэргийг Францад 14 нас хүрсэн хүүхдүүд жолооны эрхийн үнэмлэхгүйгээр жолоодож болох гэнэ. Мөн 16 нас хүрсэн бол Европын хэд хэдэн улсад үнэмлэхгүйгээр хүүхдүүдийг жолоодохыг зөвшөөрсөн байна. Учир нь “Эми”-г дөрвөн дугуйтай унадаг дугуй, дөрвөн дугуйтай скүүтэртэй адилтган үзэж байгаа аж. Ами дээд тал нь 45 км цаг хурдалдаг ,найман морины хүчтэй цахилгаан мотортой аж. Уг автомашиныг 6600 ам.доллараар худалдаанд гаргаж буй бөгөөд энэ нь хуучин машины үнэнд ч хүрэхгүй тун боломжийн үнэ гэж үйлдвэрлэгчид нь үзэж байгаа юм байна.
Хот доторх ойр зуурын хэрэглээнд зориулж бүтээсэн уг тэрэг нь нэг цэнэглэлтээр 70 орчим км зам туулах хүчин чадалтай ажээ.
“Эми” энэ сарын 30 гэхэд Францад хүлээн зөвшөөрөгдөж удалгүй Итали, Испани, Португали, Белги, Германд худалдаанд гарах юм байна.
