Иран улсын Ерөнхий сайд коронавирусын халдварын талаар худал мэдээлэл тараасан хүнд гурван жилийн хорих ял онооно гэдгээ өнгөрсөн мягмар гарагт мэдэгдсэн. Тэгвэл тус улсын цахим гэмт хэргийн газар худал мэдээлэл тараасан 24 хүнийг баривчилж, 118 хүнд сануулга өгөөд байгаа ажээ.
Тус улсын хувьд байдал тийм ч сайнгүй байгаа бөгөөд БНХАУ-г тооцолгүйгээр хамгийн олон хүн коронавирусаас болж нас барсан улс болоод байгаа юм. Мөн тус улсын Эрүүл мэндийн дэд сайд, хүүхэд, гэр бүлийн асуудал хариуцсан дэд ерөнхийлөгч зэрэг төрийн хоёр ч өндөр албан тушаалтан нь “Covid19”-ийн халдвар авч тусгаарлагдаад байгаа юм.
Тус улс коронавирусын халдвартай холбоотойгоор томоохон хотууд дахь баасан гарагийн мөргөлийг зогсоох шийдвэр гаргасан байна.
