Монгол Улсын Ерөнхийлөгч Х.Баттулга өнөөдөр “Албан тушаалаас чөлөөлж, томилох тухай” зарлиг гаргалаа.
Зарлигт “Ерөнхийлөгчийн Тамгын газрын дарга Зандаахүүгийн Энхболдын өөрийнх нь хүсэлтийг үндэслэн 2020 оны 2 дугаар сарын 14-ний өдрөөс үүрэгт ажлаас нь чөлөөлж, Өлзийхүүгийн Шижирийг мөн өдрөөс Ерөнхийлөгчийн Тамгын газрын даргын албан тушаалд томилсугай” гэжээ.
Ө.Шижирийн хувьд Хөл бөмбөгийн холбооны нарийн бичгийн даргын алба хашдаг.
Тэрбээр Ерөнхийлөгч Х.Баттулгыг Зам тээвэр, барилга хот байгуулалтын сайдаар ажиллаж байхад Ажлын албанд нь ажиллаж байсан, МоАХ-нд нэг хэсэг ажиллаж байжээ. Ө.Шижир нь АН-ын үндэсний бодлогын хорооны гишүүн юм.
