Германы Берлин хотын амьтны хүрээлэнд 2019 оны 8-р сарын 31-нд хулсны баавгайн ихэр бамбарууш мэндэлсэн. Тэгвэл ихэр бамбаруушуудыг олон нийтэд харууллаа.
Ах дүү хоёр бамбаруушны нэгийг нь Пит, харин нөгөөг нь Пауле гэдэг бөгөөд бамбаруушнууд мэндэлснээс хойш анх удаагаа өнгөрсөн лхагва гарагт гадаа гарсан байна. Мөн пүрэв гарагт тэднийг анх удаа амьтны хүрээлэнгийн зочдод харуулжээ. Берлин хотын амьтны хүрээлэнгээс Пит гэх бамбарууш тун тайван амгалан төдийгүй ойр ойрхон дуг хийдэг гэдгийг онцолжээ. Бамбаруушнуудад Хятад нэр өгсөн бөгөөд Питийг Мэн Сиян, харин Паулег Мен Юань гэж Хятадаар дууддаг. Тэдний ээж нь Мен Мен, эцэг пандаг нь Жиао Чин гэдэг юм.
