Эрчим хүчний зохицуулах хорооны өчигдрийн хурлаар Ховд аймагт барих Эрдэнэбүрэний 90 МВТ-ын УЦС-ын барилга байгууламж барих тусгай зөвшөөрөл олгох шийдвэр гаргажээ. 2019 онд Эрдэнэбүрэнгийн УЦС барих санхүүжилтийн асуудлыг бүрэн шийдвэрлэсэн. Мөн ТЭЗҮ боловсруулах ажил дуусаад байна.
Ингэснээр энэ хавар баруун бүсэд хөгжил дэвшлийн илч гэрэл түгээж, импортын эрчим хүчнээс хараат байдлыг эцэс болгох Эрдэнэбүрэнгийн УЦС-ын их бүтээн байгуулалт эхлэх бодит нөхцөл бүрдлээ гэж ойлгож болно. Ерөнхий сайд У.Хүрэлсүх Ховд аймагт албан томилолтоор ажиллахдаа УЦС-ын бүтээн байгуулалтыг эрчимжүүлнэ гэдгээ, УИХ-ын Төрийн байгуулалтын байнгын хорооны дарга С.Бямбацогт “Шинэ Ховд” төслийн хүрээнд эрчим хүчний хараат байдлаас гаргах энэ ажлыг бүх хүчээр дэмжинэ гэдгээ илэрхийлж байсан удаатай.
Эрдэнэбүрэний усан цахилгаан станц ашиглалтад орсноор баруун бүсийн аймгуудын эрчим хүчний хэрэглээг дотоодоосоо бүрэн хангах боломжтой болж импортын цахилгаан эрчим хүчний хараат байдлаас гарч, хямд найдвартай эх үүсвэртэй болно. Төсвөөс баруун бүсийн эрчим хүчний системд олгодог татаас тэглэгдэж, 100 орчим хүн тогтмол ажлын байраар хангагдаж, бизнес эрхлэгчид үйлдвэр үйлчилгээ эрхлэх чанар хүртээмж нэмэгдэнэ зэрэг эдийн засаг, нийгмийн олон эерэг үр дүнг авчрах юм.
Баяр хүргье. Байгаль орчны судалгаа шинжилгээ, геодрогеологийн судалгаа, усны судалгаа хэр зэрэг хийгдсэн вэ?
Баяр хүргэе.С.Бямбацогт гишүүн том ажил эхлүүллээ таньд баяр хүргэе