УИХ-ын дарга Г.Занданшатараар ахлуулсан парламентын төлөөлөгчид Австралид улсад албан томилолтоор ажиллаад ирсэн. Тэнд байхдаа УИХ-ын зарим гишүүн казино тоглосон байж болзошгүй талаар мэдээлэл гарч, гэрэл зураг нийтлэгдсэн юм. Энэ талаар казинод орсон гэх дуулианд холбогдсон УИХ дахь МАН-ын бүлгийн ахлагч Д.Тогтохсүрэн тайлбар өгөв.
Тэрбээр “Нэгдүгээр сарын 17-нд УИХ-ын гишүүд Сидней хоттой танилцах хөтөлбөртэй байсан. Энэ хүрээнд УИХ-ын гурван гишүүн тус улсад суугаа Элчин сайдтай хамт казино орсон. Тодруулбал, УИХ-ын гишүүн Д.Эрдэнэбат, Д.Лүндээжанцан, Австрали дахь Элчин сайд Б.Чулуунхүү бид хэд казиногийн үйл ажиллагаатай танилцаж зочилсон. Бид тоглоогүй. УИХ-аар Казиногийн тухай хууль ороод ирвэл ямар юм байдаг юм байна гэж үзэж сонирхох зорилгоор орсон” гэлээ.
