“Хөх сувд 2020” мөсний баярын үйл ажиллагааг “Дэлхийн нүүдэлчдийн мөсний баяр” нэрийн дор зохион байгуулна. Нийслэл хотынхон төдийгүй бусад аймаг орон нутгийн иргэд, гадаад дотоодын жуулчдын сонирхлыг ихэд татдаг мөсний баярын энэ жилийн арга хэмжээг БОАЖЯ-наас дэмжин ажиллахаар болсон байна.
Мөсний баяр нь 2020 оны 03-р сарын 2-4-нд Хатгал тосгоны Хүй толгойн зүүн талд болно. “Хөх сувд 2020” мөсний баярыг зорих ирснээр Баялаг бүтээгчдийн урлан, Цагаан адууны үзүүлбэр, цаатны аж амьдралтай танилцах, бөөгийн шөнийн үзүүлбэр үзэх, Олс таталт, тэшүүр, мөсний сүмо, мөс мөргөлдүүлэх, сээр хугалах, волейбол, уран жолоодлого зэрэг тэмцээнүүдэд оролцох боломжтой юм.
Х.Нямжаргал
