Допингийн асуудлаар барилдах эрхээ хоёр жилээр хасуулаад байсан Монгол Улсын гарди Ө.Бат-Орших, улсын заан Б.Пүрэвсайхан, улсын начин Э.Даш, аймгийн арслан Б.Номиндалай, сумын заан С.Майнбаяр нарын бөхчүүдийн барилдах эрх сэргэлээ. Эдгээр бөхүүдийн барилдах эрхийг МҮБХ-ноос хасаад байсан юм. Бага биш хугацаанд олны хэл амны дунд явсан энэ дөрвөн бөхийн барилдах эрх албан ёсоор сэргэснийг МҮБХ одоогоор олон нийтэд нээлттэй мэдээлээгүй байна.
Харин өнгөрсөн наадмын түрүү Монгол Улсын аварга Э.Оюунболдоос сэргээшийн төрлийн бодис илэрснийг албан ёсоор зарлаж хариуцлага тооцно гэж мэдэгдсэн ч одоогоор ямар нэгэн гарсан шийдвэр байхгүй. Э.Оюунболд аварга өөрийнх нь шээсний сольсон гэж үзэн Олимпийн хорооны нэр бүхий албан тушаалтнуудыг шалгуулахаар АТГ-т хандаад байгаа юм билээ. Энэхүү маргаан яаж шийдэгдэхээс Э.Оюунболдын аварга цолыг хураах эсэх нь шийдэгдэх юм.
