МАН-ын Удирдах зөвлөлөөс сонгуулийн тогтолцоог томсгосон мажоритар буюу 1992, 2008, 2012 оны сонгуультай адил хувилбараар явуулах улс төрийн шийдвэр өчигдөр гаргасан билээ. Удирдах зөвлөлийн уг шийдвэрийг УИХ дахь МАН бүлэг дэмжсэн юм.
Л.Энх-Амгалан нарын гишүүдээс бүрдсэн жлын хэсгээс өрсөн барьсан 50 жижиг тойрог, томсгосон нэг тойрогт жагсаалтын 26 нэр дэвшигч өрсөлдөх хувилбарын оронд томсгосон мажоритар тогтолцоогоор сонгууль явуулахаар болж байна. Өмнөх сонгуулиудыг харахад аймаг, дүүрэг тус бүрдээ нэг тойрог болж байсан. Газар нутаг, хүн амын тоог харгалзан Говьсүмбэр, Дорноговь аймгуудыг нэгтгэн нэг тойрог болгох бөгөөд орон нутагт 20, нийслэлд зургаан тойрог байх хувилбар хүчтэй яригдаж эхэллээ.
Томсгосон мажоритар тогтолцоогоор сонгууль явуулсан тохиолдолд нэг намын нэр дэвшигчид хоорондоо өрсөлдөж, Засгийн газраа бүрдүүлж чадахгүй удах, тогтворгүй байдал үүсэх эрсдэл дагалддаг.
