АНУ-ын Калифорни мужийн Саугус сургуульд 16 настай хүү ангийнхаа хоёр хүүхдийг буудан хөнөөж дараа нь өөрийгөө буудсан хэрэг гарчээ. Одоогоор ангийнхаа буудаж дараа нь амиа хорлохыг завдсан хүүгийн биеийн байдал тун хүнд байгаа юм байна. Харин хохирогч амиа алдсан хүү 14 настай , охин 16 настай байсан бөгөөд тэднээс гадна гурван хүүхэд бууны суманд шархадсан байна. Сэжигтэн хичээл эхлэхээс 20 минутын өмнө ангид орж ирж үг дуугүйгээр буудаж эхэлсэн байна. Тэрээр хэрэг болохын өмнөх өдөр инстаграмдаа “Маргааш сургууль дээр хөгжилтэй зүйл болох болно” гэж бичсэн байсан аж. Гэхдээ сэжигтэн хүүгийн аккаунт хэрэг болсны дараа нэр хаягаа өөрчилсөн тул цагдаагийнхан өөр хүн тус хаягаар орж байгаа эсэх, хамтарч, хүүг өдөөсөн хүн байгаа эсэх талаар шалгаж байна.
Тус харамсалтай хэрэгтэйгээр холбоотойгоор Саугус сургуулийг түр хугацаагаар хаажээ.
