Анжелина Жолитой төстэй болохын тулд 50 орчим хагалгаа хийлгэсэн гэдэг 22 настай Иран бүсгүй Сахар Табарыг инстаграммд оруулсан постуудынх нь төлөө баривчилжээ. Түүнийг бурхныг гутааж доромжилсон, залуу хүмүүст буруу үйлгэр дууриалал үзүүлсэн, үндэсний хувцсаа гутаасан зэрэг үндэслэлээр баривчилсан талаар Ираны “Tasnim news” агентлаг мэдээлжээ. Түүнийг баривчилсны дараа инстаграммын хаягийг нь устгасан байна.
Сахар Табар бүсгүй 2 жилийн өмнөөс Анжелина Жолитой адилхан болохоор хичээгч гэж олонд танигдсан. Түүний сошл дахь зурагнууд 100 хувь жинхэнэ дүр төрх нь биш бөгөөд тэрээр фотошоп ихээхэн ашигладаг байна. Энэ бол миний өөрийгөө илэрхийлэх арга зам, нэг төрлийн урлаг. Би Анжелина Жолитой адилхан байх биш ‘Corpse Bride’ буюу “Үхсэн сүйт бусгүй” хүүхэлдэйн дүртэй адил болохыг хичээдэг гэх Сахар хэлсэн байдаг.
Тэрээр сошлд нийтлэсэн зүйлээсээ болж хуулийн хариуцлага хүлээж буй Ираны анхны хүн биш. Хоёр жилийн өмнө 12 хүн сошлын постоосоо болж шоронд орж байсан юм.
