УИХ-ын дарга Г.Занданшатарын амнаас анх гарсан УИХ-ыг хугацаанаас нь өмнө тараах тухай яриа амжилт олсонгүй. Парламентыг хугацаанаас нь өмнө тараах бичигт эхэндээ 40 гаруй гишүүн гарын үсэг зурж дэмсэн ч сүүдээ үгнээсээ буцаж эхэлжээ. МАН-ын удирдлагуудаас яаж ч шахалт үзүүлээд гишүүдийн гуравны хоёрын дэмжлэг авч чадахгүй болсон тул ээлжит бус сонгууль явуулах тухай хариуцлагагүй үгнээсээ МАН өөрөө буцав.
УИХ дахь МАН-ын бүлэг дээр энэ талаар ширүүхэн маргаан өрнөсөн байдаг. Хууль зүй, дотоод хэгийн сайд Ц.Нямдорж сурсан зангаараа Ерөнхийлөгч Х.Баттулгын тоглолтод хэт автаад байна гэж намынхаа гишүүдийг зандарчээ. Өрр бусад гишүүн ч нуухай авах гээд нүдийг нь сохлов гэгчээр ээлжит бус сонгууль явуулна гэж байгаад далаараа цэвэр тавиулах магадлал өндөр гэсэн үндэслэлээр эсэргүүцсэн байна.
Юутай ч МАН-ын удирдлагуудаас зүтгүүлсэн УИХ-ыг хугацаанаас нь өмнө тараах саналыг УИХ-ын гишүүд дэмжсэнгүй. Одоогийн УИХ-д МАН 64 суудалтай үнэмлэхгүй олонх боловч дотоод хуваагдлаасаа болоод энэ байр сууринаас шийдвэр гаргаж чадахгүй байгаа юм. Тус намын Ерөнхий нарийн бичгийн дарга Д.Амарбаясгалан ээлжит сонгууль явуулна гэсэн ярианд цэг тавьсан гэдгээ хэвлэлд өгсөн ярилцлагааараа баталсан байна.
Д.Амарбаясгалан хэлэхдээ ээлжит бус сонгууль явуулах санал УИХ-ын гишүүдээс дэмжлэг аваагүй тул энэ сэдвийг хаасан гэж хэлж болно. УИХ-ыг тараах асуудлыг МАН дахин ярихгүй хэмээн хэлжээ.
