Дуучин Б.Амархүү хар тамхи хэрэглэж байгаад үйлдэл дээрээ баригджээ. ЦЕГ-ын Хар тамхитай тэмцэх газрынхан гэнэтийн гүйцэтгэх ажиллагаа явуулж ОХУ-ын Буриад Улсын гавьяат жүжигчин, дуучин Б.Амархүүг машиндаа хар тамхи хэрэглэж байхад нь баривчилсан байна.
Эх сурвалжуудын мэдээлж буйгаар тухайн үед түүний хажууд эхнэр нь цуг байсан бөгөөд өөрийн эзэмшлийн улаан өнгийн “Mersedes Benz” маркийн автомашиндаа хар тамхи хэрэглэж байх үед нь саатуулсан ажээ. Түүнийг ШШГЕГ-ын харьяа цагдан хорих 461-р ангид саатуулж хар тамхитай тэмцэх газраас мөрдөн шалгах ажиллагаа явуулж эхэлжээ.
