Японы нэгэн дэлгүүрт кассчин хийдэг, 34 настай энэ залуу үйлчлүүлэгчдийнхээ тооцооны картын мэдээллийг хулгайлсан хэргээр баривчлагджээ. Хамгийн сонирхолтой нь тэрээр 1300 орчим хүний картын мэдээллийг зөвхөн харах төдийд харааны ой санамжаа ашиглан цээжилж авсан байна. Ингээд үүнийгээ ашиглан өнгөрсөн 03 дугаар сараас хойш онлайн худалдаа хийсэн бөгөөд сүүлд 270 мянган иений өртөг бүхий цүнх худалдаж авсны дараа баригджээ. Тэрээр цүнхээ өөрийн гэр рүү хүргүүлэхээр захиалсан аж. Тэрээр зарим бараагаа барьцаат зээлийн газар тавьж орлого олдог байжээ.
Цагдаагийнхан түүний гэрийн нөүтбүүкээс 1300 хүний кредит картын мэдээлэл хадгалсан файлыг олсон байна. Картын 16 оронтой тоо, дуусах хугацаа, аюулгүйн код, картан дээрх нэр зэргийг файлд тэмдэглэсэн байжээ. Тэрээр худалдан авагчид үйлчлэх зуураа дээрх бүгдийг тогтоож авч дараа нь тэмдэглэж авдаг байснаа хүлээсэн байна.
Хараан
