Байнгын дуу чимээ ихтэй орчинд ажиллаж амьдрах нь хүний биед маш сөрөг нөлөөтэйг та мэдэх үү. Ийм нөхцөл байдал зөвхөн сонсголд сөргөөр нөлөөлөөд зогсохгүй, тархины эд эсийг гэмтээж, бухимдах, ядрах, нойргүйдэх, зүрх судасны үйл ажиллагаа алдагдахад хүргэдэг байна. Харамсалтай нь нийслэл Улаанбаатар хот гэхэд дуу чимээ зохистой зөвшөөрөгдөх хэм хэмжээнээс 10 дахин илүү байгаа аж.
Тодруулбал, өглөөний 07-23 цаг хүртэл дуу чимээ дунджаар 60 децибилиэс хэтрэхгүй, 23-06 цаг хүртэл 45 децибилиэс хэтрэхгүй байх ёстой ч энэ хэмжээнээс хэт их чимээтэй байгаа юм байна. Иймээс орчиндоо мод тарих нь дуу чимээг багасгах, байнгын дуу чимээтэй газар ажилладаг бол дуу намсгагч зүүхийг мэргжлийн эмч нар зөвлөж байна. Дуу чимээ 80 децибилиэс их орчинд байнга байвал сонсгол муудаж эхэлдэг бөгөөд эргэж хэвэндээ ордоггүй байна.
