ХӨСҮТ болон Дорнод аймаг дахь Зүүн бүсийн оношилгооны төв нь ӨМӨЗО-ны Манжуур хотын ардын эмнэлэгтэй хамтран ажиллахаар боллоо. Тодруулбал, Монгол, Хятад, ОХУ-ын бүс нутгийн хамтын ажиллагааны хүрээнд гурван талын мэргэжлийн байгууллагууд хамтран ажиллах санамж бичигт гарын үсэг зурав. Санамж бичигт гарын үсэг зурах ажиллагаа Манжуур хот дахь Манжуурын ардын эмнэлэгт болсон бөгөөд Монголын талаас талаас ХӨСҮТ-ийн дэд дарга С.Хүрэлсүх, Дорнод аймаг дахь Зүүн бүсийн оногилгоо, эмчилгээний төвийн захирал болон албаны бусад хүн оролцов.
Санамж бичгийн хүрээнд энэхүү бүс нутагт бүсийн эрүүл мэндийн аялал жуулчлалыг хөгжүүлэх, цахим оношилгоо, эмчилгээний чиглэлд туршлага солилцох, сургалт зохион байгуулах, гурван улсын хилийн бүс орчмын иргэдэд эмнэлгийн тусламж, үйлчилгээг шуурхай хүргэх чиглэлээр хамтран ажиллах юм байна. Манжуур хотын ардын эмнэлэг ОХУ-ын Өвөр байгалийн засаг захиргаа, эрүүл мэндийн салбарын байгууллагуудтай мөн энэ үеэр хамтран ажиллахаар тохироцлоо.
