Арабын Нэгдсэн Эмират Улсын Дубай хотын “Dubai Mall” цогцолборт орших “Дубай” аквариум нь дэлхийн хамгийн том аквариумын нэгд тооцогддог. Тус аквариумд 33 мянга гаруй далай амьтан байдаг бөгөөд аварга махчин загаснуудыг хамгийн ойроос бодитоор харах боломжтой аж. Мөн аварга аалз, далайн морь, матар, оцон шувуу, усны харх зэрэг амьтдыг хүссэн хэн бүхэн тусгай хамгаалалтын хувцас хэрэглэлтэйгээр, усан доторх аюулгүй бүсээс үзэх боломжтой. 2009 онд ашиглалтад орсон энэхүү гайхамшигт усан цогцолборыг бүтээхэд 10 сая литр ус орсон ба нийт энэхүү бүтээн байгуулалтад 20 тэрбум долларыг зарцуулсан байна.
“Dubai Mall” нь нийт 1,124,000 хавтгай дөрвөлжин талбайтай бөгөөд энэ нь ойролцоогоор хөлбөмбөгийн 50 талбайтай тэнцэх гэнэ.
“Dubai Mall” аквариумаас гадна кино театр, төрөл бүрийн дэлгүүр, тоглоомын газруудтай дэлхийн хамгийн том цогцолбор газар бөгөөд жил бүр 75 сая жуулчин тус газарт ирдэг байна.
