Ираны Тагнуулын газар АНУ-ын Тагнуулын төв газрын талд ажиллаж байсан 17 тагнуулыг баривчилж, заримд нь цаазын ял ногдуулсанаа мэдээллээ.
Тэдгээр хүмүүсийг цөмийн, цэргийн болон бусад салбарын мэдээллийг цуглуулж байсан гэж буруутгасан байна.
“АНУ-ын талд тагнуул хийсэн хэрэгт холбогдсон иранууд цэргийн, цөмийн болон хувийн хэвшлийн салбарын “эмзэг” хэсгүүдэд ажиллаж байсан” аж. Тэднийг хэзээ цаазласан яг хэдэн хүн цаазын яланд өртсөн талаарх тодорхой мэдээлэл байхгүй бөгөөд АНУ-ын Ерөнхийлөгч Дональд Трамп уг мэдээллийг худал гэж үгүйсгэж байгаа юм.
Д.Трамп өнгөрсөн онд цөмийн гэрээнээс АНУ-ыг гаргаж, Ираны эсрэг эдийн засгийн хориг арга хэмжээ авсан бөгөөд уг асуудлаарх хоёр улсын харилцаа улам хурцадсаар байна.
