Монгол Улсад үйл ажиллагаа явуулж байгаа зарим арилжааны банкны өөрийн хөрөнгөө нэмэгдүүлсэн эх үүсвэр асудалтай байж магадгүй гэж ОУВС үзжээ. Тиймээс үүнийг шалгуулахаар гадаадын байгууллагыг хөлсөлсөн гэдгийг эх сурвалжууд өгүүллээ. Тэрхүү байгууллага нь мөрдөн шалгах чиглэлээр үйл ажиллагаа явуулахаар төлөвлөж байгаа бололтой.
Монгол Улсын төсөв хүнд байдалд орж ОУВС-гийн хөтөлбөрт хамрагдаад багагүй хугацааг үдэж байгаа. ОУВС-гаас тавьж буй гол нөхцөл бол төсвийн сахилга батыг сайжруулж, арилжааны банкууд чанаргүй зээлийн хэмжээгээ багасгаж, өөрийн хөрөнгөө нэмэгдүүлэх шаардлага тавьсан.
Зарим эх сурвалжийн мэдээлж байгаагаар арилжааны дахиад нэг банк дампуурлаа зарлаж болзошгүй байгаа хэмээн мэдээлж байгаа юм. Монголбанкнаас одоогийн байдлаар энэ мэдээллийг няцаасаар байгаа бөгөөд хяналт шалгалтын ажил үргэлжилж байгаа гэдгийг мэдээлсэн. Юутай ч ОУВС болон Монголбанкны хяналт шалгалтын дараа бүх зүйл илүү тодорхой болно.
