Хан-Уул дүүрэг дэх Мэргэжлийн хяналтын хэлтсээс энэ сарын 21-ний өдөр “Хүннү Молл”-д байрлах “Абсолют кэш энд керри” ХХК-ийн худалдааны төвд төлөвлөгөөт бус хяналт шалгалт хийжээ.
Иргэнээс ирүүлсэн гомдлын дагуу хийсэн хяналт шалгалтаар үйлдвэрлэсэн хугацаа тодорхойгүй, хуурамч шошго бүхий “Баярлалаа”, “Монгольские, “Шэнэхэнские” зэрэг гурван нэр төрлийн буузыг савлан худалдан борлуулж байсныг илрүүлжээ. Тиймээс тус компанид “Зөрчлийн тухай” хуулийн холбогдох заалтаар арга хэмжээ ногдуулахаар зөрчлийн хэрэг нээжээ.
