Шуурхай мэдээ: Ерөнхийлөгч Х.Баттулга УИХ-ыг өөрөө тарахыг дахин санал болголоо

Ерөнхийлөгч Х.Баттулга яг одоо чуулганы нэгдсэн хуралдаанд үг хэлж байна. Тэрбээр УИХ ард түмний эрх ашгийг зөрчсөн олон алхам хийсэн тул өөрсдийн хүсэлтээр тарах ёстой хэмээн үзэж байгаагаа илэрхийллээ. УИХ гэмт хэрэгтнүүдийг хаацайлдаг газар болж хувирлаа гэдгийг төрийн тэргүүн хэлэв. Өмнө нь М.Энхболдыг УИХ-ын дарга байхад Ерөнхийлөгч энэ саналаа хүргүүлсэн боловч татгалзсан юм. Чуулганы нэгдсэн хуралдаанаар Ерөнхийлөгчийн гаргасан саналтай холбогдуулан ямар нэг хэлэлцүүлэг хийх дэггүй учир гишүүд санал хэлсэнгүй. Харин УИХ-ын дарга Г.Занданшатар Ерөнхийлөгийн саналд албан бичгээр хариу өгөх учиртай. Чуулган үргэлжилж байна.