АН-ын дарга С.Эрдэнэ, ерөнхий нарийн бичгийн дарга Ц.Туваан нар мэдээлэл хийж тус намаас энэ сарын 30-нд эсэргүүцлийн жагсаал цуглаан зохион байгуулна” гэж мэдэгдлээ.
АН-ын намын дарга С.Эрдэнэ “Сөрөг хүчнээс тавьж байгаа шаардлага, зөвлөмжийг эрх баригчид үл тоосон байдалтай байна. Тухайлбал, УИХ-ын гишүүн Б.Пүрэвдорж Монголбанкны ерөнхийлөгчийг огцруулах санал өргөн барьсан. Манай нам одоогоос сар гаруйн өмнө жагсаал цуглаан зохион байгуулж нийгэм, эдийн засгийн хямралт байдлыг эсэргүүцэж шаардлага хүргүүлсэн. Гэвч одоо болтол тодорхой хариу өгсөнгүй. Мөн бидний хүргүүлсэн шаардлагын дагуу ямар ч тодорхой ажлууд хийсэнгүй. Тиймээс манай намын Улс төрийн зөвлөлөөс эсэргүүцлийн жагсаал зохион байгуулах шийдвэр гаргасан. Бараа бүтээгдэхүүний үнэ нэмэгдэж байна. Тухайлбал, урд шөнө шатахууны үнэ нэмэгдээд байна гэлээ.
