Москва – Мурманск чиглэлд хөөрсөн “Аэрофлот” компанийн “Sukhoi Superjet 100” нисэх онгоц “Шереметьево” нисэх онгоцны буудалд өнгөрсөн ням гарагт осолдсон. Үүнтэй холбоотойгоор “Аэрофлот” компанийн нэгж хувьцааны ханш буужээ. Тодруулбал Москвагийн бирж дээрх “Аэрофлот” компанийн хувьцааны үнэ 3.3 хувиар буурч, 93.5 рубль болсон байна.
Шереметьево нисэх онгоцны буудалд болсон уг ослын улмаас 41 хүн амиа алдсан юм. Онгоцонд нийт 78 хүн байв.
