Мөнгөн ус нь Засгийн газраас 2017 онд гаргасан Монгол Улсад ашиглахыг хориглосон химийн хорт бодисын жагсаалтад багтдаг. Тэгвэл мөнгөн ус их хэмжээгээр авч явсан этгээдүүдийг өнгөрсөн долоо хоногт цагдаагийнхан саатуулжээ. Шалгалтаар 74,8 кг мөнгөн усыг худалдахыг завдсан гурван этгээдийг илрүүлсэн бөгөөд тэдгээр этгээд 52 тэрбум орчим төгрөг хүрэх хэмжээний мөнгөн устай байжээ.
Цагдаагийн байгууллагаас цахим орчинд “Мөнгөн ус зарна” гэх зар байршуулсан байсны дагуу шалгалтын ажиллагаа явуулж илрүүлсэн байна. Тэднийг химийн хорт бодисыг хууль бусаар худалдаалахыг завдсан гэх үндэслэлээр Эрүүгийн хэрэг нээн шалгаж байна.
