Япон, АНУ-ын хооронд худалдааны шинэ гэрээ байгуулах зорилготой худалдааны хэлэлцээр Вашингтон хотод өнөөдөр эхэллээ. Хоёр өдөр үргэлжлэх уг хэлэлцээрт АНУ-ын худалдааны төлөөлөгч Роберт Лайтхайзер болон Японы Эдийн засгийн асуудал эрхэлсэн сайд Тошимицү Мотеги нар оролцож байна.
Тус хоёр улсын худалдааны шинэ гэрээ байгуулах зорилгоор хэлэлцээр хийх тухай анх 2018 оны есдүгээр сард ярьж, он гаргаад ажил хэрэг болгохоор төлөвлөсөн байсан ч АНУ, БНХАУ-ын худалдааны маргаанаас шалтгаалан өдий хүртэл хойшилжээ. Учир нь АНУ-ын тал Хятадтай худалдааны маргаанаа эцэслэн шийдсэний дараа Японтой хэлэлцээрээ хийхээр хойшлуулсан аж.
Ирэх тавдугаар сард АНУ-ын ерөнхийлөгч Трамп Японд айлчлах төлөвлөгөөтэй байгаа. Энэ айлчлал бас нэгэн зорилго нь хоёр орны худалдааны хэлэлцээрийг ахиулах байх болов уу гэж ажиглагчид дүгнэж байгаа юм. Трамп энэ үеэрээ Яоын эзэн хаан болон Ерөнхий сайд Шинзо Абэтай уулзах юм.
